|
اقبلت يم بيتك يبويه اناديك
اثرك مع الأموات ماتستجيبي
لو تنفدا بالمال والروح لفديك
وترخص لك ارواحنا يالحبيبي
ابعدت عني يوم بانت حراويك
وعسى اللقا يابوي فيكم قريبي
ليتك مع الحيين تسمع مناديك
وياليت قبرك صايرن من نصيبي
ماينفعك يابوي كثر العزا فيك
ولاينفعك كثر البكى والنحيبي
يبقالنا يابوي فعلك وماضيك
يبقالنا يابوي منهاج طيبي
امشي بدربك وحقق مراميك
لين شمس العمر يمك تغيبي
وعسى اجنان الخلد موقع اراضيك
وعساك لحبيب ربه صحيبي
|
:بريدك الالكتروني
