Share
Tweet
Pin
Email
Share
نواب الوزراء
- بواسطة Abowael --
- التاريخ 2011/08/11 --
- مشاهدة 57924
منذ مبطي وانا اشوف ان بعض الوزراء لهم نواب والبعض بلا نواب
بصراحه ما ادري هالتشكيل لهذا المنصب هو معتمد رسمي والا حسب طلب معالي الوزير
وزارة الداخليه مثلا من طلعنا على الدنيا ولها نائب وزارة التربيه ماشاء الله الان نواب بالجمله
وانا يالربع لو ان رايي حولكم وحواليكم بس . لكن هذا لحاله يكفيني ان اقول رايي ويمكن يوصل
لبعض الوزراء واعتقد (اذا حج البقر على قرونه) .
مومهم المهم اني ابي اقول هناك وزراء متخصصين في مجال معين ومبدعين فيه .
مثل معالي الدكتور عبدالله الربيعه مافيه واحد مثله يفرق الاخوان والله يقويه طبعا تفريق حميد ماهو مثل
اللي يفرق بين الناس بالشحناء والغضاء وبهذه العمليات الناجحه اصبحت له سمعه دوليه وهو بلا شك
ناحج فيها ولنا الحق اننا نفاخر به
ولكن هل نجاحه في هذه العمليات يجعله ناحج في العمل الاداري ؟؟؟؟؟ .
انا اقول هنا ياتي دور النائب ليت معالي الوزير يشوف من هالنشيطين في العمل الاداري ويحطه نائب
ويوكل له المهام الاداريه وهو يشرف من بعيد يعني تجيه المعامله جاهزه ومدروسه ويمكن يجيه
اكثر من خيار بعد دراسه متأنيه ويختار اللي يشوفه مناسب .
وياليت بعد كل وزير يحط له نائب يساعده هذا اذا التشكيل يسمح ترا مدري يمكن بعد يصير النائب ثقل بلا دفى
بس مخصصات ومستحقات ومصاريف جيب ومصاريف ضيوف وتحسين اوضاع واجازات متعه واستجمام
وتروح نص ميزانيتنا على مصاريف النواب .
لكن بعض الوزرات اعتقد انها تحتاج لنواب اداريين ممارسين ونشيطين بشرط ماهو يقوم ايترزز بالبشت ويخلي الوكلاء على كيفهم خصوصا وزارة الصحه لان الوزير تخصصه غير اداري ومحتاج لاداري ناجح يساعده ويصحح الحوسه والمشاكل اللي بوزارة الصحه ومحاسبة المقصرين والقضاء قدر الامكان على الاخطاء الطبيه .
وجيتكم منها مدري عنها
