اه يمه

ودي بعـالـي الـصـوت اقــول يـمـه

ودي اجــرب قــول يـمـه مــع يـــاه

اروح بـــارض خـــلا وقـــول يـمــه

وحس ان الصـدى قـال لـي هـاه

واكــرر التصـويـت يــا يـــاه يـمــه

اثر الصـدى حلـم ماقـال لـي هـاه

الله حرمـنـي شـــم جـيـبـه وكـمه

الله حرمني مشاهده مع حلايـاه

كــلــن ولــدهــا بـحـظـنـه تـضـمــه

وكلن فــرح بحـضـن امــه تـوقــاه

وانــا أنـاظــر بـيــن خـالــه وعـمــه

كلن دلــه مـاشـاف لـوعـة مخـبـاه

انا اليتيم اللي ينقل الحظـن همـه

ودرب السعـاده راح ماعـاد يتـلاه

انـــا غـريـبـن بـيــن جـمـعــا ولــمــه

محدن سمع صوتي ولالي مناداه

ودي بجسدهـا لحظتـن ثـم اشـمـه

ودي اقــبـــل يـــدهـــا واتـــرجـــاه

ودي اسمـع قــول وشفـيـك يـمـه ؟

مــع قــول كـلـي فـدوتـه لاعدمـنـاه