Shares
Share
Tweet
Pin
Email
Share
الاقتحام
- بواسطة Abowael --
- التاريخ 2006/7/1 --
- مشاهدة 35273
| إقتحام |
|
ياللي بزين الأحرف تخطين
ويش السبب في منح المحبه بخلتي
اهديك من قلبي عدة ملايين
وعداد ما يقرأ حروف كتبتي
وعداد ما شفتي وعد ما ترمش العين
وعداد شعرك وعد مرات مشطتي
وعد الاعدا وعد ناس محبين
وعداد ما تذرف عيون ظلمتي
وعداد ناس بالملاقى شجيعين
وعداد نبضات قلب جرحتي
وعد الرمال وعد نجم وبراكين
وعد القلوب اللي بحبك سحرتي
وعد الورق بالدايره والدواوين
وعد ما جلتي بقلبي ولعبتي
وعداد ما يكسى العذارى فساتين
وعداد ما ملتي عليه وعلتي
وعداد ما في الكون طير وثعابين
وعداد ما ناديتي بصوتك واجبتي
وعداد ما تزهر ورود البساتين
وعد الورود اللي بيدك قطفتي
وعد الشباب وعد ناس مسنين
وعد العلوم اللي نسيتي وعرفتي
وعد ما ينشر حروف ودواوين
وعد البيوت اللي بصدرك حفظتي
وعداد قطرات المطر بالميادين
وعداد شهقات الهوا اللي شهقتي
وعداد ما تسهر عيون المحبين
مع كثرهن لو في اس ميه ضربتي
يالغالية منيتي شوفت الزين
وافديك بروح وقلب اسرتي
(>>>) يحلالي بين ثغر ونهدين
وهذا الطلب كان ليه منحتي
الناس تنكر بيع عبده وعبدين
وانتي اقتحمتي قلب حر وملكتي
والعبد يدفع به احيانا ملايين
وانتي كذا بسلاح المحبه اغتصبتي
يابنت قلبي اوداعتن للمحبين
والرفق ثم الرفق دامك سرقتي
كل يعيش بقلب وانتي بقلبين
وكل التهاني من قلبي اللي اخذتي
البيت اللي ما يعجبك يريش العين
امسح انا طرياه دامك طلبتي
|
